Ta'limga oid ma'lumotlar

1. Vazirlar Mahkamasining 2011-yil 7-yanvardagi 6-son qarori bilan tasdiqlangan Yakka tartibdagi tadbirkorlar shugʻullanishi mumkin boʻlgan faoliyat turlari roʻyxatining 71-pozitsiyasi “Faoliyat turining nomi” ustuni quyidagi tahrirda bayon etilsin:

“Shisha idishlar, metall parcha va chiqindilarini hamda boshqa ikkilamchi xomashyoni qabul qilish (xarid qilish) xizmatlari)”.

2. Vazirlar Mahkamasining 2014-yil 10-iyuldagi 186-son qarori bilan tasdiqlangan Koʻchmas mulk obyektlarining davlat kadastri sohasida davlat xizmatlari narxlarini belgilash tartibining izoh qismi quyidagi mazmundagi 5¹-band bilan toʻldirilsin:

“5¹. Taʼlim tashkilotida qonunchilik hujjatlariga muvofiq tuzilgan mehnat shartnomasi asosida taʼlim va tarbiya sohasida kasbiy faoliyatni amalga oshiruvchi pedagog shaxslar uchun davlat xizmatlari narxi xizmatlar umumiy qiymatining 50 foizini tashkil qiladi (tadbirkorlik faoliyati maqsadlarida yoki yuridik shaxslar vakili sifatida murojaat qilingan holatlar bundan mustasno)”.

3. Vazirlar Mahkamasining 2016-yil 5-maydagi 144-son qarori bilan tasdiqlangan Bolalar musiqa va sanʼat maktablari toʻgʻrisidagi nizomda:

a) 4-bandning birinchi xatboshisidagi “mahalliy ijro etuvchi hokimiyat organlarida” soʻzlari “hududiy tegishlilik boʻyicha Davlat xizmatlari markazida” soʻzlari bilan almashtirilsin;

b) 9-banddagi “(fortepiano, torli cholgʻular, estrada cholgʻu ijrochiligi, xalq cholgʻulari, damli va zarbli cholgʻular, anʼanaviy cholgʻu ijrochiligi, anʼanaviy xonandalik, akademik xonandalik, estrada xonandaligi) va sanʼat (xoreografiya, teatr sanʼati, tasviriy va amaliy sanʼat)” soʻzlari “(cholgʻu ijrochiligi, vokal sanʼati, xalq ijodiyoti) va sanʼat (xoreografiya, tasviriy sanʼat, amaliy sanʼat, dizayn, aktyorlik sanʼati)” soʻzlari bilan almashtirilsin;

v) 10-banddagi “bir yoxud bir necha taʼlim yoʻnalishlari” soʻzlari “bir yoki ikkita mutaxassislik” soʻzlari bilan almashtirilsin;

g) 14-banddagi “5” raqami “5 — 7” raqamlari bilan almashtirilsin;

d) 16-bandning “a” kichik bandi birinchi xatboshisidagi “(yoʻnalishlari)” soʻzi “va mutaxassisliklari” soʻzlari bilan almashtirilsin;

e) 18-bandda:

ikkinchi xatboshidagi “(fortepiano, torli cholgʻular, estrada cholgʻu ijrochiligi, xalq cholgʻulari, damli va zarbli cholgʻular, anʼanaviy cholgʻu ijrochiligi, anʼanaviy xonandalik, akademik xonandalik, estrada xonandaligi)” soʻzlari “(cholgʻu ijrochiligi, vokal sanʼati, xalq ijodiyoti)” soʻzlari bilan almashtirilsin;

toʻrtinchi xatboshi “xoreografiya” soʻzidan keyin “yoʻnalishi” soʻzi bilan toʻldirilsin;

beshinchi xatboshidagi “tasviriy va amaliy sanʼat mutaxassisliklari” soʻzlari “tasviriy sanʼat, amaliy sanʼat va dizayn yoʻnalishlari” soʻzlari bilan almashtirilsin;

oltinchi xatboshidagi “teatr sanʼati mutaxassisliklari” soʻzlari “aktyorlik sanʼati yoʻnalishi” soʻzlari bilan almashtirilsin;

j) 19-bandda:

“a” kichik banddagi “(fortepiano, torli cholgʻular, estrada cholgʻu ijrochiligi, xalq cholgʻulari, damli va zarbli cholgʻular, anʼanaviy cholgʻu ijrochiligi, anʼanaviy xonandalik, akademik xonandalik, estrada xonandaligi)” soʻzlari “(cholgʻu ijrochiligi, vokal sanʼati, xalq ijodiyoti)” soʻzlari bilan almashtirilsin;

“b” kichik bandda:

uchinchi xatboshi quyidagi tahrirda bayon etilsin:

“tasviriy sanʼat, amaliy sanʼat va dizayn — chizmatasvir, rangtasvir, kompozitsiya fani”;

toʻrtinchi xatboshidagi “teatr” soʻzi “aktyorlik” soʻzi bilan almashtirilsin;

z) quyidagi mazmundagi 20¹ — 20⁴-bandlar bilan toʻldirilsin:

“20¹. Jadval boʻyicha qabul sinovlariga kelmagan oʻquvchilar uchun qayta sinovlar oʻtkazilmaydi va ular oʻqishga qabul qilinmaydi.

20². Tegishli yoʻnalish va mutaxassisliklar boʻyicha sinov natijalari qabul sinovlari yakunlangandan soʻng uch kun mobaynida eʼlon qilinadi.

20³. Bolalar musiqa va sanʼat maktablarida qabul sinovlari oʻtkazilishi davrida belgilangan tartibda apellyatsiya shikoyatlarini koʻrib chiqish uchun 3 — 5 nafar mutaxassis oʻqituvchilardan iborat apellyatsiya komissiyasi tashkil etiladi.

Apellyatsiya komissiyasi tarkibi taʼlim muassasasi direktorining buyrugʻi bilan tasdiqlanadi.

Apellyatsiya komissiyasi tarkibiga qabul komissiyasi aʼzolarining kiritilishi taqiqlanadi.

Qabul sinovini oʻtkazgan qabul komissiyasi aʼzosi apellyatsiya jarayonida qatnashib, oʻz fikrini bildirish huquqiga ega.

Apellyatsiya shikoyatlari qabul sinovlari natijalari eʼlon qilingan kundan boshlab bir ish kuni ichida qabul qilinadi va apellyatsiya komissiyasi tomonidan bir kun muddatda koʻrib chiqiladi.

Apellyatsiya shikoyatlarini koʻrib chiqishda apellyatsiya komissiyasi mazkur Nizomning 18-bandiga muvofiq oʻquvchining ijodiy qobiliyatini qayta aniqlaydi.

Apellyatsiya shikoyatlarini koʻrib chiqish natijasi boʻyicha apellyatsiya komissiyasi qabul sinovi natijalarini oʻzgarishsiz qoldirish yoki qabul sinovi natijalarini qayta baholash orqali oʻzgartirish qarorlaridan birini qabul qiladi.

20⁴. Qabul sinovlari natijalari tegishli yoʻnalishlar va mutaxassisliklar kesimida alohida qabul qaydnomalariga kiritiladi.

Ushbu qabul qaydnomalari har bir yoʻnalish va mutaxassislik boʻyicha qabul komissiyasi raisi va qabul komissiyasining kotibi tomonidan imzolanadi hamda muhrlanadi”;

i) 26-banddagi “qoʻshimcha taʼlimga qoʻyiladigan” soʻzlari “bolalar musiqa va sanʼat maktablarida” soʻzlari bilan almashtirilsin;

k) 30-bandda:

birinchi xatboshidagi “(fortepiano, torli cholgʻular, estrada cholgʻu ijrochiligi, xalq cholgʻulari, damli va zarbli cholgʻular, anʼanaviy cholgʻu ijrochiligi, anʼanaviy xonandalik, akademik xonandalik, estrada xonandaligi) va sanʼat (xoreografiya, tasviriy sanʼat, amaliy sanʼat, teatr sanʼati)” soʻzlari “(cholgʻu ijrochiligi, vokal sanʼati, xalq ijodiyoti) va sanʼat (xoreografiya, tasviriy sanʼat, amaliy sanʼat, dizayn, aktyorlik sanʼati)” soʻzlari bilan almashtirilsin;